O‘zbekiston Respublikasining “Korrupsiyaga qarshi kurashish to‘g‘risida”gi
O‘RQ-419-sonli Qonunida davlat organlari va boshqa tashkilotlar korrupsiyaga qarshi
kurashish maqsadida aholining huquqiy ongi va huquqiy madaniyatini yuksaltirish,
jamiyatda korrupsiyaga nisbatan murosasiz munosabatni shakllantirish yuzasidan zarur
chora-tadbirlar ko‘rishi belgilangan.
Bundan tashqari, joriy yilning 5-mart kuni O‘zbekiston Respublikasi Prezidenti
Shavkat Mirziyoyev raisligida o‘tkazilgan Korrupsiyaga qarshi kurashish bo‘yicha milliy
kengashning kengaytirilgan yig‘ilishida korrupsiyaning oldini olish bo‘yicha ishlar
natijadorligini oshirish va bu jarayonga keng jamoatchilikni safarbar qilish lozimligi
bo‘yicha muhim topshiriqlar berildi.